2007-03-12
sveimérþá
ég held að ég sé flutt. Endilega breytið tenglum hjá ykkur, esskurnar mínar :-) http://hildigunnur.wordpress.com/
Efnisorð: bloggið
2007-03-10
komin með wordpress
síðu, hún er hér. Ekki breyta linkunum alveg strax, ég er ekki alveg búin að negla flutninginn. Sýnist ég ekki geta hrært í útlitinu á síðunni nógu mikið fyrir minn smekk nema ef ég verð með eigin site.
En þarna er hægt að kommenta, að minnsta kosti. Flutti allar færslurnar héðan yfir, þannig að vinsamlegast skrifið kommentin aftur sem ekki komust í gegn hér. Plííís?
En þarna er hægt að kommenta, að minnsta kosti. Flutti allar færslurnar héðan yfir, þannig að vinsamlegast skrifið kommentin aftur sem ekki komust í gegn hér. Plííís?
Efnisorð: bloggið
svör
ekkert skánar bannsett kerfið, ég er svo bæði búin að reyna að henda blogger kerfinu inn (birtist ekki) og halló'skan (virðist vera með síðuna í einhvers konar millibilsástandi þannig að innsetning virkar ekki, þarf annaðhvort að vera á gamla blogger eða búin að færa yfir í nýja útlitið í nýja blogger (hvað ég vil ekki)). Spurning hvort maður á að gerast drastískur og fara alla leið yfir í wordpress? Ætla nú ekki að setja upp eigin server samt þó tölvan ráði fyllilega við það, ég kann engan veginn nóg til þess.
En semsagt, get ekki svarað neinum kommentum í glugganum þannig að hér kemur:
Finni gekk ljómandi vel að spila, takk Svanfríður
Kristín, jú, auðvitað á maður alltaf að stefna aðeins hærra en börnin geta, þetta lag er bara svolítið mikið stökk.
Syngibjörg og Anna Jonna, tónleikarnir með Carmina Burana verða þann 25. mars, klukkan 17.00 og 20.00 í Langholtskirkju.
Arnar, nei, heldurðu að ég hafi nokkuð fattað það :-D Og Kalli, klárt, aldrei nokkurn tímann kaupa ódýr vín á veitingastað!
(er ég að gleyma einhverjum? Ekki það að þið getið svarað mér. Grrrr)
jamm, fór ekki nógu neðarlega. Jú, Þorbjörn, tennisspaðar og boltar verða algjört möst í sumar. Jafnvel frá Slazenger.
En semsagt, get ekki svarað neinum kommentum í glugganum þannig að hér kemur:
Finni gekk ljómandi vel að spila, takk Svanfríður
Kristín, jú, auðvitað á maður alltaf að stefna aðeins hærra en börnin geta, þetta lag er bara svolítið mikið stökk.
Syngibjörg og Anna Jonna, tónleikarnir með Carmina Burana verða þann 25. mars, klukkan 17.00 og 20.00 í Langholtskirkju.
Arnar, nei, heldurðu að ég hafi nokkuð fattað það :-D Og Kalli, klárt, aldrei nokkurn tímann kaupa ódýr vín á veitingastað!
(er ég að gleyma einhverjum? Ekki það að þið getið svarað mér. Grrrr)
jamm, fór ekki nógu neðarlega. Jú, Þorbjörn, tennisspaðar og boltar verða algjört möst í sumar. Jafnvel frá Slazenger.
2007-03-09
frumflutningur
já, það er frumflutningur hjá mér á morgun (laugardag). Kennaratríó úr Suzukiskólanum spilar glænýtt píanótríó á tónleikum klukkan 15.00 í Laugarneskirkju. Allir velkomnir, lofa léttum og skemmtilegum tónleikum. Nýja stykkið mjög áheyrnarvænt :-D
mín ansi góð
áðan, var að opna Montes sauvignon blanc hvítvínsflösku, tók okkar fína gasopnara með hettuskera, skar utan af, kippti lokinu af og voilá! flaskan galopin. Skrúftappi...
Efnisorð: aulagangur, brandarar
hrmmm
þetta fer nú að verða fullgróft!
Hef haldið í enetation kommentakerfið mest af þrjósku en þetta gengur eiginlega ekki lengur. Opnast ekki fjárans glugginn einu sinni. Ekki furða þó enginn hafi kommentað í marga daga.
Búin að setja Show comments í Settings hjá mér í Blogger, hvurnig stendur nú á því að þau sýna sig ekki? Ætli sé ekki hægt að vera með bæði inni. Ég tími engan veginn að týna öllum þessum gömlu.
Hef haldið í enetation kommentakerfið mest af þrjósku en þetta gengur eiginlega ekki lengur. Opnast ekki fjárans glugginn einu sinni. Ekki furða þó enginn hafi kommentað í marga daga.
Búin að setja Show comments í Settings hjá mér í Blogger, hvurnig stendur nú á því að þau sýna sig ekki? Ætli sé ekki hægt að vera með bæði inni. Ég tími engan veginn að týna öllum þessum gömlu.
tiltekt
tók til á tenglalistanum. Nokkrir sem hafa ekki skrifað í óratíma fengu að fjúka, einhverjir sem ég er hætt að lesa (ef þið eruð enn þarna inni er ég enn að lesa, þó ég kommenti kannski ekki mjög mikið, væri full vinna að fylgjast með öllum þessum og kommenta).
Nokkur vafaatriði og yfirleitt lét ég viðkomandi njóta vafans, sérstaklega ef ég veit að fólk les samviskusamlega mínar færslur þó það sé afskaplega latt að skrifa (þið vitið hver þið eruð)
Nokkur vafaatriði og yfirleitt lét ég viðkomandi njóta vafans, sérstaklega ef ég veit að fólk les samviskusamlega mínar færslur þó það sé afskaplega latt að skrifa (þið vitið hver þið eruð)
2007-03-08
get bara ekki annað
2007-03-07
litli herramaðurinn
og víólubarnið tekur fyrri hluta útskriftar úr fyrstu Suzukivíólubókinni í hóptíma á eftir. Á að spila heil 3 lög í sóló, er búinn að vera voða duglegur að æfa sig :-D Ég fékk mömmu til að kenna fyrir mig einn tíma á eftir til að komast að hlusta. Mömmur verða nú að vera til staðar á svona stórum stundum.
Reyndar er aðalútskriftin enn eftir, þá skal spilað eitt ógurlega langt og erfitt lag sem ég skil reyndar ekki almennilega hvað er að gera í fyrstu bók, fyrir svona litla krakka. Verður örugglega ekki eins flott hjá honum eins og lögin í dag, sem eru miklu eðlilegri fyrir þennan aldur og getu. Hmmm.
Reyndar er aðalútskriftin enn eftir, þá skal spilað eitt ógurlega langt og erfitt lag sem ég skil reyndar ekki almennilega hvað er að gera í fyrstu bók, fyrir svona litla krakka. Verður örugglega ekki eins flott hjá honum eins og lögin í dag, sem eru miklu eðlilegri fyrir þennan aldur og getu. Hmmm.
Efnisorð: fjölskyldan, tónlistarnám
2007-03-06
ess
á, a.k.a. Sinfóníuhljómsveit áhugamanna er í verulega skemmtilegu verkefni núna. Carmina burana, með óperukórnum Cortezinn stjórnar. Hræddi okkur á æfingunni áðan með því að segja ekkju Carls Orff myndu koma á tónleikana þannig að eins gott að við stöndum okkur. Engin happa/glappaspilamennska í þetta sinn, þó maður hafi nú stundum látið það duga. Æfingabúðir framundan og allt. Úff.
En gaman verður þetta.
En gaman verður þetta.
2007-03-05
Friðrik V.
Hringdi fullseint til að panta borð á hinum rómaða veitingastað Akureyrar. Allt uppbókað. Gat þó skrapað borð fyrir okkur tvö klukkan 18.00 og yrðum að vera farin út klukkan 20.30. Well, þolum það, þar sem við vorum ekkert tímabundin, hvorki fram- eða aftur fyrir.
Mættum á slaginu 6, vel tekið á móti okkur. Settumst inn í hliðarsal með matseðla og fordrykk, flúðum reyndar fljótlega fyrir tvennum hjónum sem settust þar líka og kveiktu sér í íþróttablysum (þetta nýyrði heyrði ég fyrst í morgun, reyndar). Inn í ljómandi fallegan veitingasalinn, dempuð ljós í lofti og ullarmyndir á veggjum.
Þar sem við vorum frekar tímabundin fengum við okkur ekki heimsreisu Friðriks sjálfs, eigum slíkt inni fyrir næsta skipti (og það verður bókað næsta skipti) Eins og við er að búast á fínum húsum var borið fram brauð fyrir matinn, 4 tegundir, ylvolgt og bara fínt, þó prívat hafi mér fundist aðeins of margar tegundir með heilhveiti, ekki mikið fyrir það. Jón Lárus pantaði sér síðan nautalund með lerkisveppum og rauðvínssósu, ég heilsteikta gæsabringu með berjasoðsósu. Hvorttveggja mjög gott, sérstaklega bráðnaði nautalundin í munni. Ekki víst að við höfum bragðað svona gott nautakjöt nema ein steik sem ég held að hafi verið ættuð frá Paragvæ. Sló Argentínu langt út af kortinu. Kartöflukakan með nautinu var kannski síst spennandi meðlætið, annað sem fylgdi því var mjög gott, sérstaklega grilluð paprika, mikið lostæti. Með gæsabringunni voru (fyrir utan berjasoðsósuna sem var frábær) nokkrir baunabelgir, einn kirsuberjatómatur og rönd af mjög góðri kartöflumousse.
Með þessu drukkum við Clos des Jacobins, snilldarvín. Álagningin hefði getað verið meiri, vínið kostar 3500 krónur í Vínbúðum en var á tæp 5500 á staðnum, til samanburðar var líka til Brolio sem er eitt af okkar uppáhaldsvínum, kostar 1800 krónur í Vínbúðum en 4200 á staðnum (muni ég rétt), talsvert meira lagt þar á, sérstaklega miðað við upphafsverð.
Vínseðillinn er annars ágætur, hefði mögulega viljað sjá aðeins meira af fínni vínum þar inni, fullmörg vín sem eru á um 1500-1700 krónur í Vínbúðum, þó góð séu. Kampavínsseðillinn ekki alveg nógu spennandi heldur, hefðu mátt vera með heldur meira úrval þar.
Súkkulaðibúðingur (raunar frekar súkkulaðikaka með mjúkri miðju en búðingur) með hindberjasósu og vanilluís var mjög fínn eftirréttur, bragðið small allt hvert inn í annað. Espressobolli og konfektmolar ljómandi, sá hvíti sístur (en við erum ekki mikið fyrir hvítt „súkkulaði“ þannig að það þarf ekki að vera að marka) Glas af eftirréttavíni (soave, frá Bolla) olli örlitlum vonbrigðum en þar sem við völdum það sjálf og fengum meira að segja að smakka, getum við eiginlega tæpast kvartað. Vin santo sem stóð einnig til boða hefði örugglega verið bragðmeira. Það mætti alveg bjóða upp á Tokaji, þó sommelier staðarins vilji kannski ekki fara alla leið í fínustu sauternesvín.
All in all, frábært kvöld. Þjónustan ljómandi, eina sem við gátum fundið að henni var að á svona fínum stað væri meira viðeigandi að hellt sé í glös gesta í stað þess að flaskan og vatnskannan séu bara skildar eftir á borðinu. Hefði mátt bjóða meira brauð örlítið sjaldnar í staðinn.
Takk fyrir okkur :-)
Mættum á slaginu 6, vel tekið á móti okkur. Settumst inn í hliðarsal með matseðla og fordrykk, flúðum reyndar fljótlega fyrir tvennum hjónum sem settust þar líka og kveiktu sér í íþróttablysum (þetta nýyrði heyrði ég fyrst í morgun, reyndar). Inn í ljómandi fallegan veitingasalinn, dempuð ljós í lofti og ullarmyndir á veggjum.
Þar sem við vorum frekar tímabundin fengum við okkur ekki heimsreisu Friðriks sjálfs, eigum slíkt inni fyrir næsta skipti (og það verður bókað næsta skipti) Eins og við er að búast á fínum húsum var borið fram brauð fyrir matinn, 4 tegundir, ylvolgt og bara fínt, þó prívat hafi mér fundist aðeins of margar tegundir með heilhveiti, ekki mikið fyrir það. Jón Lárus pantaði sér síðan nautalund með lerkisveppum og rauðvínssósu, ég heilsteikta gæsabringu með berjasoðsósu. Hvorttveggja mjög gott, sérstaklega bráðnaði nautalundin í munni. Ekki víst að við höfum bragðað svona gott nautakjöt nema ein steik sem ég held að hafi verið ættuð frá Paragvæ. Sló Argentínu langt út af kortinu. Kartöflukakan með nautinu var kannski síst spennandi meðlætið, annað sem fylgdi því var mjög gott, sérstaklega grilluð paprika, mikið lostæti. Með gæsabringunni voru (fyrir utan berjasoðsósuna sem var frábær) nokkrir baunabelgir, einn kirsuberjatómatur og rönd af mjög góðri kartöflumousse.
Með þessu drukkum við Clos des Jacobins, snilldarvín. Álagningin hefði getað verið meiri, vínið kostar 3500 krónur í Vínbúðum en var á tæp 5500 á staðnum, til samanburðar var líka til Brolio sem er eitt af okkar uppáhaldsvínum, kostar 1800 krónur í Vínbúðum en 4200 á staðnum (muni ég rétt), talsvert meira lagt þar á, sérstaklega miðað við upphafsverð.
Vínseðillinn er annars ágætur, hefði mögulega viljað sjá aðeins meira af fínni vínum þar inni, fullmörg vín sem eru á um 1500-1700 krónur í Vínbúðum, þó góð séu. Kampavínsseðillinn ekki alveg nógu spennandi heldur, hefðu mátt vera með heldur meira úrval þar.
Súkkulaðibúðingur (raunar frekar súkkulaðikaka með mjúkri miðju en búðingur) með hindberjasósu og vanilluís var mjög fínn eftirréttur, bragðið small allt hvert inn í annað. Espressobolli og konfektmolar ljómandi, sá hvíti sístur (en við erum ekki mikið fyrir hvítt „súkkulaði“ þannig að það þarf ekki að vera að marka) Glas af eftirréttavíni (soave, frá Bolla) olli örlitlum vonbrigðum en þar sem við völdum það sjálf og fengum meira að segja að smakka, getum við eiginlega tæpast kvartað. Vin santo sem stóð einnig til boða hefði örugglega verið bragðmeira. Það mætti alveg bjóða upp á Tokaji, þó sommelier staðarins vilji kannski ekki fara alla leið í fínustu sauternesvín.
All in all, frábært kvöld. Þjónustan ljómandi, eina sem við gátum fundið að henni var að á svona fínum stað væri meira viðeigandi að hellt sé í glös gesta í stað þess að flaskan og vatnskannan séu bara skildar eftir á borðinu. Hefði mátt bjóða meira brauð örlítið sjaldnar í staðinn.
Takk fyrir okkur :-)
Efnisorð: matur, veitingahús
2007-03-04
Agureyri
fórum þangað um helgina, íbúð í láni og skutumst norður, bara tvö. Gerðum ekkert alla helgina. Tótal snilld. Jú, lásum, töluðum saman (gott), þögðum saman (ekki síður gott), töltum um bæinn, borðuðum á Friðriki fimmta (smá rýni bíður morgundagsins, of þreytt núna). Drukkum slatta af rauðvíni, spiluðum Trivial þrisvar (ég tapaði í öll skiptin, urr), fórum á barinn á hótel KEA, þar var trúlega flottasta úrval af Macallan viskíum sem ég hef séð, hótelið snarhækkaði í áliti hjá mér.
Íbúðin er í gamla Tónlistarskólanum, hann er orðinn að mörgum stúdíóíbúðum. Smá breyting frá því að við gistum þar síðast, þá líklega á dýnum í skólastofum með píanóum árið 1994.
Talandi um Trivial, ég fékk örugglega mest evil Trivialspurningu allra tíma: „Frá hvaða framleiðanda voru tennisboltarnir á Wimbledonmótinu 2004?“
Ef einhver veit þetta (án þess að gúggla) skal ég veita verðlaun.
Meira hjá bóndanum en ekki fyrr en annað kvöld, líklegast.
Íbúðin er í gamla Tónlistarskólanum, hann er orðinn að mörgum stúdíóíbúðum. Smá breyting frá því að við gistum þar síðast, þá líklega á dýnum í skólastofum með píanóum árið 1994.
Talandi um Trivial, ég fékk örugglega mest evil Trivialspurningu allra tíma: „Frá hvaða framleiðanda voru tennisboltarnir á Wimbledonmótinu 2004?“
Ef einhver veit þetta (án þess að gúggla) skal ég veita verðlaun.
Meira hjá bóndanum en ekki fyrr en annað kvöld, líklegast.
Efnisorð: fjölskyldan, frí
2007-03-02
bara myndir
lio
Efnisorð: brandarar
2007-03-01
vefsíða
áfram tómt bögg með að hlaða henni inn á svæðið sem ég á hjá vodafone.
Spurning með að fá sér .mac svæði, eða þá .net. Einhver þarna úti hlýtur að geta lesið iWeb smíðaðar síður vandræðalaust.
Spurning með að fá sér .mac svæði, eða þá .net. Einhver þarna úti hlýtur að geta lesið iWeb smíðaðar síður vandræðalaust.
Efnisorð: tölvur
