<$BlogRSDUrl$>

2004-06-29

outta here
sayonara
sjáumst á sunnudag/laugardag, kannski

:-)

2004-06-28

plögg, plögg...

á laugardaginn kemur, þann 3. júlí klukkan 15.00 verða tónleikar með mínum verkum í skálholtsdómkirkju. passlegur bíltúr úr bænum eða sumarbústöðum sunnanlands. sönghópurinn hljómeyki, frank aarnink á slagverk og steingrímur þórhallsson á orgel flytja, undir stjórn keith reed.

lofa aðgengilegri tónlist, og vonandi fallegri stund í tæpan klukkutíma. allir velkomnir meðan húsrúm leyfir, aðgangur er ókeypis.

þætti mikið vænt um að sjá einhverja ykkar vina minna héðan, kynnið ykkur endilega.
bætti við symbölum í eitt verkið í skálholti, best að hringja í frank og biðja hann um að taka symbala með líka :-) hlakka ekkert smá til að fara uppeftir, húsmæðraorlof.is æft í svona 6 tíma á dag restina af tímanum hefur maður fyrir sjálfan sig, engin eldamennska, minimal tiltekt, engir ungar að koma á leikskólann. væri reyndar alveg til í að hafa fífu mína með, en pabbi hennar þarf meira á henni að halda hér heima, verður í hálfgerðri vist, fer með bróður sinn á leikskólann og er hjá litlusystur fyrir hádegi. koma á laugardaginn, þá er líka fjölskylduleysið orðið bara alveg nóg, alltaf frábært að fá þau :-)

kannski verður skrifaður bloggstubbur í fyrramálið, annars bara bless í bili, verð netlaus í búðunum, kannski kemst ég eitthvað á netið upp á hóteli, then again, kannski ekki.
kötturinn elti okkur hálfa leið upp í leikskóla, hvarf inn í garð á tólf spora húsinu og sást ekki aftur fyrr en klukkutíma seinna. ætli sé eitthvað sem hún hefur ekki sagt okkur frá...?
maður er nú ljóti rasistinn! sorrí svíar, þið eruð bara ágætir yfirleitt, og misjafnir eins og við hin ;-)

2004-06-27

vá danirnir bara standa uppi í hárinu á tékkum, þessi keppni hættir bara ekki að koma mér á óvart. sé ekki seinni hálfleikinn, er á leið á kóræfingu, spennandi að vita hvernig þetta kemur út. mér sýnist síðan við vera að syngja við messu meðan úrslitin fara fram (sunnudaginn 4. júlí klukkan 17.00), ó vell!
hannes hólmsteinn fallinn í gildruna hennar sigrúnar sem bauð sig fram gegn vigdísi, að eigna sinni hlið alla seðla þeirra sem sátu heima.

það að sitja heima er bara ekki rétt aðferð til að mótmæla einu né neinu, þar sem það er ekki nokkur leið að greina mótmæli frá apatíu. borgaraleg skylda að mæta á kjörstað, mótmælaleiðin er að skila auðu. skamm, þið 35% sem kusuð ekki :-@

2004-06-26

úff, við rétt sluppum við að svíar yrðu enn meira óþolandi en nú þegar! arrogant bastards ;-)
fyrsta skálholtsferð sumarsins afstaðin, flott nýtt verk eftir jón nordal, smáperla, þá glás af útsetningum á lögum úr þjóðararfinum, moi, elín, mist og bára, aldrei heyrt báru útsetningar fyrr, mjög flottar eins og hennar er von og vísa. gríma flutti, gekk bara vel.

nýr kór undir stjórn árna heimis ingólfssonar flutti heila tónleika af josquin desprez, voru smá tíma að finna samhljóminn en eftir fyrsta verkið var það mjög fínt hjá þeim. talað um að þetta væri frumraun hópsins, var það svosem per se, en hópurinn var eiginlega bara metamorfósis af schola cantorum, bara einn nýr, allir hinir verið annaðhvort þar eða í mótettunni. þannig að þetta var náttúrlega þræl vel samsungið lið. held samt herði áskels hafi þótt þetta svolítið skrítið...
jæja, þá er það út að kjósa!

svo stefnan sett á skálholt, fyrsta skipti í sumar. klukkan 14.00: nýja verkið hans jóns nordals, víst afskaplega glænýtt, úff, þau fengu síðustu nótur bara í fyrradag, ekki gott mál! vonandi gengur það vel. klukkan 15.00: útsetningar úr tónlistararfinum eftir undirritaða, Elínu Gunnlaugsdóttur og Misti Þorkelsdóttur, þá kaffi og síðan kl 17.00 nýr kór að syngja gamla músík. þrennir tónleikar, gaman :-)

2004-06-25

ómæGOOOD, disneymyndir dauðans. sá bara pínu brot úr mynd kvöldsins, sýnt seint útaf boltanum (haaa, hefur hann einhver áhrif? dööhh!) hjónavígsla í indjánaklani og "presturinn" segir: nú tekur þú brátt við höfðingjabeltinu og það fellur í þinn hlut að varðveita menningu þjóðflokks okkar. jájá, djúpar pælingar í bjarnarklaninu þarna sautjánhundruð og súrkál!

annars er allt nágrennið farið að þekkja köttinn okkar, allir strákarnir hjá verktakanum í götunni þekkja hana með nafni og pósturinn (eins og hún er nú feimin, venjulega) kom að máli við jón lárus þegar hún kom í dag og sagði: kisa er komin á móts við númer 14, heldurðu hún rati til baka? kisuhjartaknúsari hvað?
ekki mundi ég nú eftir að auglýsa viðtalið við mig um sumartónleikana, byrjar eftir nokkrar mínútur á rúv rás 1, að sjálfsögðu, rás 1 rokkar! tja kannski ekki en hún rúlar að minnsta kosti!
náðum nú samt að mála slatta, mesta furða! þetta fína veður seinnipartinn. fórum á rauðantómat í hádeginu, pizzur bara fínar þó þær slái ekki eldsmiðjuna út, langt frá því.

búin að standa í stappi með þessa þýðingu á dante í gær og í dag en fann þessa fínu þýðingu eftir guðmund böðvarsson í þjóðarbókhlöðunni. prógrammið að smella. mér finnst ég reyndar þurfa að gera svolítið mikið í því, ég er nú bara staðartónskáld en er búin að slá inn alla textana sem ég nota og redda þýðingu á öllu sem þarf. vantar reyndar ennþá eina, reddast varla fyrr en eftir helgi, úr þessu. þarf að fá leyfi til að nota þýðingu guðmundar, pottþétt í höfundarrétti, en það fær framkvæmdastjóri nú að gera, sagði henni hvernig hún gæti fengið símanúmerið hjá höfundarréttarhöfum. hehe.

jess, þar datt síðasta þýðingin inn um tölvubréfalúguna, snilld. laus allra prógrammmála, nema reyndar þarf að taka mynd af hópnum á æfingunni á sunnudaginn. verst það vantar nokkra á þá æfingu. 2 sóprana og 2 alta, ef ég veit rétt! þvuh, þær þurftu ekkert að vera að fara í burtu ;-)
ekki málað mikið í dag, sýnist mér, amk má stytta ansi vel upp fyrst.

en sundið stendur fyrir sínu, er búin að bæta við lengdina á hverjum degi, 800 metrar í gær. stefnum á kílómetrann á mánudaginn, svo upp í skálholt á þriðjudaginn.

þokkalegasta spenna í boltanum í gærkvöldi, markmaður portúgala örugglega aldrei lifað aðrar eins 2 mínútur og lokin. en hugsa nú að becks hafi hrapað aðeins á vinsældaskalanum heimafyrir, greyið. rooney ræfillinn víst ristarbrotinn, ég var ekki komin niður að horfa þá.

skjás eins fólk hlýtur að vera hæstánægt með auglýsinguna sem flestir markmennirnir eru með á maganum ;-) og ókeypis í þokkabót!
metatarsalinn er að stríða Englendingum. hvað heitir beinið? ertu þarna úti Gunni?
eitthvert ítölskuséní þarna úti, helst búið að þýða Paradiso eftir Dante? hjálp!!!

2004-06-24

hallveig kemur heim í kvöld, jibbíí! verður spennandi að heyra frá ítalíuferðinni.
gangstéttin smollin, nærri allir gluggarnir líka, málning á puttum, aahh! verst að eiga ekki bjór, væri sko til í bjór og bolta eftir hamaganginn í máluninni úti í kuldanum í dag. hlóð sjostakóvitsj og prókoffíeff hasarsinfóníum inn á ipodinn og hlusta við málun, jón hlustar á kraftwerk þegar hann fær að hafa græjuna :-)

ég búin að vera með 6 risakassa af handbjöllum heima hjá mér, ábyggilega bjöllur upp á hálfa milljón eða meira, á að notast í skálholti aðra helgi, frank slagverksleikari kom og sótti þær áðan. gott að losna við þær, ójá!
verktakarnir byrjaðir að saga gangstéttarhellur hér fyrir utan óguðlega snemma. eins gott að ég var vöknuð hvort sem er, annars hefði ég verið fúl ;-)

unnum 2 bjórkippur í öðru boltaveðmálinu, brill! hitt veðmálið er um alla keppnina, vitum ekki alveg hvernig staðan er þar.

2004-06-23

og það fór eins og við vildum það færi, hér á heimilinu. jón lárus að rúlla upp báðum veðmálunum sem hann tekur þátt í. spáði að þjóðverjar og ítalir dyttu út í riðlakeppninni, ekki margir sem spáðu því, hehe!
við nokkur vel tæplega á besta aldri erum búin að skemmta okkur konunglega á síðunni hennar þórdísar í dag, nostalgía dauðans á ferðinni. viðvörun, ef þið eruð yngri en þrítug eigið þið ekki eftir að skilja bofs í upptalningunni!
og þá er að halda stöðunni, jafntefli þýskaland/tékkland og hollendingar vinna litháa, þá fara hollendingar og tékkar áfram

krosslagðir fingur hér :-)
smá pása frá málningu; það rignir, sko! ekki mjög mikið reyndar, en erfitt að finna stað fyrir málningardollurnar þannig að ekki rigni ofan í þær. við annars búin með alla glugga og hurðir á tveimur hliðum hússins og hluta af einni enn, hreint ekki slæmt. reyndar bara fyrri umferð...

skruppum með stelpurnar á hamborgarabúllu tómasar í hádeginu, tær snilld. nó nonsens borgarar, franskar og kók, engin gráðostasósa eða guacamole eða neitt, bara feikigóðir gamaldags borgarar í passlega sjabbí umhverfi, matseðlarnir handskrifaðir og heftaðir upp á vegg. emmsé dónalds og börgerking, eat yr hearts out, þið eruð slegnir langt út af kortinu :-)

2004-06-22

jahá! samkvæmt veðurkortinu á rúv áðan var 56° hiti á spænsku rivieru áðan, glæhætan! er það ekki hæsti hiti sem hefur mælst á jörðinni? hlýtur að hafa átt að vera 36, sem, nóta bene er feikinógu heitt!

vælið annars í íþróttafréttamönnunum! þetta bara lítur ekki nógu vel út með ítalíu, spán og þýskaland, england líka, á sínum tíma. hvernig stendur eiginlega á því að íþróttafréttamenn rúv amk halda svona augljóslega með "sterku" frægu þjóðunum? spyr sá er ekki veit!
vá, þreytt! ekkert úthald. ókei, finnur vaknaði í nótt og ég ætlaði aldrei að sofna aftur, en fékk reyndar að sofa til hálftíu í staðinn, síðan upp að væflast góða stund, var komin í vinnugallann og á leið út að pússa þegar síminn pípti á mig, átti tíma í klippingu. snilld þessi skipuleggjari í símanum, ég hef aldrei getað vanið mig á að nota dagbók en græjufríkið ég nottla glöð hverju tækifæri til að fikta aðeins í símanum :-)

sundnámskeiðið með freyju eftir hádegið, synti 600 m. voða stolt. þá fiskbúð og stóra ljóta musteri peninga til að fara í þessa búð

þá loxins heim til að pússa og mála, en líka búin að vera að því í 3 tíma samfleytt. húsið okkar verður enn flottara :-)

nú grilla hlýra, held það sé uppáhalds fiskurinn minn. keypti hvítvín með, mmm!
og sá hjartahlýi með tengil, lítið lagst fyrir nafnleysingjabannið hjá mér. hann skemmtilegur :-)

2004-06-21

úff hvað var heitt í dag, sunnuflötin náttúrlega þvílíkur ógnar hitapollur (fossvogur hvað?) annars er pallurinn heima á njálsgötu alveg nægilega heitur fyrir mig yfirleitt, en við erum nottla ekki með heitan pott. stendur til bóta, einhvern tímann þegar ég fæ borgað vel fyrir eitthvert verkefnið.

yfirsigát af grillmat, lamb, kjúklingur, svín, úff.

á morgun skal pússað og málað meira en náðist í dag, ég hlakka þegar til að fylgja freyju á sundnámskeiðið ;-)
veðrið, maður minn!

erum úti að pússa gluggakarma, á að mála. höfum ekki gert neitt í gluggunum síðan við keyptum, nema reyndar endurnýja gluggann með steinda glerinu á gaflinum, voru orðnar svolítið margar brotnar rúður. húsið verður þvílíkt fínt og flott. mikið leiðinlegt að pússa samt, ipodinn bjargar miklu.

þorbjörn og fjölskylda í bænum, grillum saman í kvöld, alltaf gaman að hitta egilsstaðagengið :-)

2004-06-20

fín æfing í kvöld, þótt stjórnandinn væri ekki mættur, verður enn skemmtilegra næst, þá kemur hann aftur :-) á þriðjudaginn í næstu viku (29. júní) förum við upp í skálholt og æfum alla vikuna. einn af hápunktum ársins. serious music making. troðum okkur í húsin, var orðin hrædd um að ég væri búin að ofmanna, höfum bara 23 svefnpláss, 23 í kórnum + orgel + slagverk, 2 í kór gista ekki. leit út fyrir að vera í lagi þartil ég uppgötvaði að það stemmdi ekki með kynjaskiptingu í hópnum. þá hringir ein úr 2. sópran í mig, ógurlega skömmustuleg og segist ekki geta verið með. lá við að ég segði: gott að losna við þig ;-) en það sagði ég nú ekki, enda er það náttúrlega alls ekki, en þetta leysti gistingarvandamálið án þess að verða að stóru vandamáli á annan hátt, er með 3 aðra 2. sóprana.

erum búin að læra mjög mikið af efninu, þannig að það verður góður tími fyrir pottinn og bjórinn, vúhú!
ættarmót á ölfusvatni, messa á úlfljótsvatni, fjölskyldukórinn söng, kirkjan pínulítil og troðfull, náttúrlega, freyju leiddist í messu en hélt hana þó út, hins vegar flúið út með finn yfir prédikuninni. þá brunað á ölfusvatn, þar sátu forfeður okkar. skoðuðum gamla bæjarstæðið, megaflottur hlaðinn brunnur, blótsteinn, hofstaður, mýri sem heitir kringlumýri, kringlan á vitlausum stað, greinilega! kaffiborð á við meðal fermingarveislu, náttúrlega, en eins gott að veðrið lék við okkur, hægt að sitja úti í sólinni, annars hefði verið þokkalega þröngt í skúrnum sem við fengum inni í, tala nú ekki um ef hefði verið rigning.

2004-06-19

kaninn er klikk :-(

sjá hér

ekki það að maður eigi að henda rusli í þjóðgörðum, en aðfarirnar eru svo ýktar miðað við brotið að maður á ekki orð!
og áfram með íþróttabloggin! veit ekki hvað er að koma yfir mig, hérna.

horfðum á formúlutímatöku í beinni á netinu, bara birtar tölur um leið og eitthvað gerist. þessi keppni er að verða óþolandi, helv... schummi er bara allt of góður

og svo eru hollendingar bara búnir að skora eftir 4 mínútur af leik, áfram hollendingar!
lettar héldu jöfnu við þjóðverjana, gó lettar með fettum og brettum! kannski komast þjóðverjarnir ekki áfram, mikið væri það nú gaman (sorrí þorbjörn)
tveggja tíma sundferð í morgun, steinsofnaði síðan úti á palli í sólarglennunni. orðið skýjað aftur en samt nógu hlýtt fyrir létt klæði á palli, snilld. lífið rokkar þessa dagana. jón allt of duglegur, ég hef næstum því samviskubit af letilífinu. en bara næstum því ;-)

2004-06-18

mmm, grillaðir borgarar eru bara góðir, sérstaklega með bjór ;-)
fjölskylduferð (mínus sá fjögurra ára) á harry potter á kringlukaststilboði klukkan 2 í dag. ekki sammála því að daniel, rupert og emma séu orðin of gömul í hlutverkin, eiga að vera orðin unglingar þarna. fannst myndin bara fín, meiri húmor en stundum áður og minna amrískt væmnisvæl, ekkert nálægt bókunum samt, ennþá. kemur samt til með að bætast í safnið um leið og hún kemur út, klárt! ég skil samt ekki hvers vegna ekki er fenginn góður breskur leikstjóri sem er í betri tengingu við húmorinn.

stefnum á maraþon lotr gláp fljótlega, vinur okkar á mega heimabíó, fer heill dagur í þetta, bara panta pizzur og drekka bjór (gos fyrir unglingana), vá hvað ég hlakka til. brill!
jæja, gangstéttin komin aftur, vonandi heldur hún í þetta skiptið. þurfum að borga hitalögnina í gangstéttina, áttatíukall, en sé ekki eftir því. verður slíkur og þvílíkur munur að losna við klakabunkana. vona bara að sem flestir í götunni hafi fengið sér hita í stéttina líka. sætu verktakarnir hérna úti voru annars að hrósa garðinum okkar, sögðu að hann væri sá snyrtilegasti á njáls- og grettisgötunni. amk þessa búta gatnanna sem er verið að taka fyrir núna í sumar. við voða montin, og þetta er nóta bene þrátt fyrir að stéttin okkar er öll krosssprungin.

annars voru þeir að lýsa ástandinu á sumum kjöllurunum á svæðinu, sögðust stundum hreinlega kúgast að koma inn sums staðar. rottueiturshrúgurnar á gólfunum o.s.frv. jukk!

2004-06-17

góður 17. júní, vöknuðum náttúrlega alveg skelþunn klukkan 11 en það rjátlaðist af manni fljótlega. ætluðum eiginlega ekki að nenna í skrúðgönguna og niður í bæ, en þar sem við vildum ekki enda sem aðalfrétt á baggalúti semsagt: barnaverndarnefnd sigað á foreldra á njálsgötu, neituðu börnunum um skrúðgönguna, drifum við okkur bara. verkalýðurinn að spila í grænu búningunum sínum, öxarviðána og aðra íslenska marsa. bilað gaman :-) síðan bara tölt heim og lagst út á pall, var alveg nóg skjól fyrir vindinum til að geta verið í sólbaði. snilld. þegar við urðum þreytt á sólinni var horft smá á boltann, sofnuðum bæði yfir englands-svissleiknum
við jón fórum í matarboð í gær, frábært fólk, frábær matur og drykkur, frábært útsýni. vorum til klukkan 5 í morgun, ekki oft sem það gerist, ónei. kærar þakkir fyrir okkur, imba og sigvaldi :-)

2004-06-16

fór í bæinn áðan, sótti breytta toppinn minn til hennar freydísar í kjörgarði, lallaði síðan laugaveginn leitandi mér að konsertpilsi. mitt gamla er orðið vel gamalt og þreytt, enda búin að nota það lengi. pils í spútnik mjög flott en sirka tvöfaldaði minn fagra afturhluta, ekki æskilegt. kjóll í mondo á 22 þús, mjög flottur en hefði þurft að kaupa með honum sjal eða jakka (glúbb) datt svon inn í elm design og auðvitað var það sem ég var að leita að þar. bilað flott. að sjálfsögðu stóðst ég ekki að kaupa mér bol við pilsið! sit hér síðan í skrúðanum við tölvuna. nú gæti ég samt hugsað mér flotta fjólubláa slæðu með...
nýja stéttin hér fyrir utan orðin tannlaus

jón lárus sá einhverja eftirlitsmenn á ferli, þungbrýna og bendandi á eina hellu eftir aðra, merkjandi þær með krossi. heyrði annan þeirra svo tala í simann sinn: við þurfum svona 40 bretti í viðbót hér. og nú get ég svarið það, það eru ekki nema svona helmingurinn af hellunum eftir. ekki smá mikið af gölluðum. hlýtur að vera svekkjandi fyrir verktakann, örugglega tveggja daga vinna sem þarf að vinna aftur.

2004-06-15

ekki líst mér nú á blikuna, hollendingar verða að taka sig á í seinni hálfleik!

hálfleikur annars notaður til að ná ketti sem heldur hún sé íkorni, niður úr trénu, heimski köttur.
vá hvað maður verður syfjaður af svona sundferðum

farin að leggja mig, þar til ég sæki finn :-)
júbbs, náði í kjartan, samtónn er að vinna í málinu. á ekki að þurfa að vera neitt því til fyrirstöðu að við komumst þarna inn, en smá spurning um hvenær. verðum trúlega ekki með alveg strax. tonlist.is er ekki með neinn einkarétt í gangi, enda er það ekkert hægt.
hvenær ætli itunes blaðamannafundurinn verði haldinn? stef hefur ekki heyrt orð, næ ekki í kjartan, maggi kjartans ætlaði að forvitnast um þetta í dag, fyrir mig. verður pottþétt settur þrýstingur á að hafa okkur með og ég er hreint ekki svartsýn á að það takist.
vááá!

og ég sem var að hneykslast á 5 klukkustunda blöðrusparki í sjónvarpinu um daginn

í dag eru klukkustundirnar 12!

öfgar, eller hur?

2004-06-14

danir stóðu sig vel í dag, að standa uppi í hárinu á ítölunum. horfði meira að segja á brot af leiknum ;-) áfram danir!
freyja byrjuð á sundnámskeiði, skotta með hárið undir sundhettu og tappa í eyrum. tapparnir vilja náttúrlega detta út, vona að eyrun verði í lagi. súra eyrnabólga :-( en snilld að fara í sund á hverjum morgni, synda hálfan kílómetra og slaka sér svo ofan í pott. árbæjarlaug rokkar. hefðum getað farið í sundhöllina en bæði er það inni og svo hefði verið svo ansi hreint auðvelt að senda barnið bara sjálft af stað og sleppa sundsprettinum sjálf.

jón lárus byrjar í fríi á morgun, stendur til að mála gluggana, ekki veitir af. létum þá vera þegar húsið var málað, fyrir 5 árum, kominn tími á þá. verst að spáin er ekki nógu góð. dæmigert, búið að vera þurrt og hlýtt síðustu 2 vikur en þegar á að fara að mála...

annars er verið að leggja gangstétt, frrrábært!

2004-06-13

fyrsta æfing með nýjum stjórnanda áðan

ég held við séum að breytast í bandarískan kór!!! ó mæ goood, og mér sem finnst bandarískt kórsánd ekki flott. vona þetta hafi ekki verið mistök. ég held reyndar að kórinn hafi afskaplega gott af því að byggja upp raddbeitingu, samræma sérhljóða, þjálfa rétta líkamsstöðu og þannig lagað.

en ég vil samt fá benna aftur :-(
garg, vodafoneheimasíðan er niðri

og ég sem þarf nauðsynlega að senda hóp sms

garg!
jón lárus: er æfing hjá þér í kvöld?

ég: já

jón lárus: á ég þá að taka upp leikinn?

2004-06-12

fimm og hálfur klukkutími af fótbolta í sjónvarpinu í dag!!!

mikið er ég heppin að horfa næstum aldrei á sjónvarpið, annars yrði ég BRJÁLUÐ. og svona verður þetta (amk næstum því svona) næstu 3 vikur. grrrr. fótboltamafían alveg fáránlega öflug. ég er harður fylgismaður ríkisstöðva og afnotagjalda, það eru þessi tilvik sem fá mig til að efast.
garðdagur í dag, við brunuðum í blómaval og keyptum fullt af sumarblómum, fjólur, skrautnál, tóbakshorn og svo einhverja klukku sem ég man ekki nafnið á. ekki allt til í blómavali sem við ætluðum að fá þannig að við skutumst upp í garðheima. þar fengum við það sem á vantaði og með betri kaupaukum ever, þar var nefnilega vínkynning frá ölgerðinni, öll vín sem þeir flytja inn, slatti af kassavínum en líka rosemount og svo hörkugóð spænsk vín. maður bara dauðsá eftir að vera á bílnum. jón lárus heppinn að ég var að keyra ;-) svei mér þá ef þetta var ekki skemmtilegasta blómabúðarferð sem ég hef farið...

nú er búið að pota niður blómum og kryddjurtum í ker og beð, til stendur að grilla nautakjöt í "blíðunni" og horfa svo á fótboltann. jón og fífa fótboltafön, ekki við hin. grikkir skora fyrsta markið í þessum skrifuðum orðum. áfram grikkir í hlykkjum og skrykkjum.

2004-06-11

matur hjá mömmu í kvöld, snilldarlax með valhnetum og camembert, mmm. kisa mun hressari þegar við komum heim, ég var með smá móral að skilja hana eftir svona þjáða, en hún var svosem búin að fela sig inni í skáp og vildi greinilega frið.

fínn taðgarðsþáttur í kvöld, þrátt fyrir að taggart sjálfur, jardine, kexið og réttarlæknirinn allir gengnir fyrir ætternisstapa, semsagt enginn eftir af upprunalega krúinu. reid, fraser, ross og burke standa bara alveg fyrir sínu. annars er þetta fyrsta skiptið í óratíma að ég sest niður og horfi á heilan þátt í sjónvarpinu, sjaldséð sjón!
kisa komin heim, voða fegin að sjá okkur, fengum lánað búr hjá dagfinni til að koma heim með hana svo við þyrftum ekki að halda á henni. munur að hafa dýralæknastofu í 3 mínútna fjarlægð, svona er að búa í miðbænum. allt í göngufjarlægð! ræfillinn litli fékk túnfisk eins og hún gat í sig látið, það er ódýrara að kaupa túnfisk í bónus en kattamat! (nei, hún fær ekki bara túnfisk að éta ;-)
farin að sækja kisuræfilinn minn :-)
jæja, loksins er verið að leggja hitann í gangstéttina hér fyrir utan, þá koma hellurnar og við fáum gangstétt og bílastæði til baka, brill! þeir eiga hins vegar eftir að taka hinum megin götunnar ennþá, en það verður minna rask fyrir okkur.

er að hlusta á óttusöngva að vori eftir jón nordal hér í tölvunni, ég fer ekki ofan af því að það er eitt flottasta verk sem samið hefur verið á íslandi. fullkomlega sambærilegt við arvo pärt, john tavener, og bara hvern sem er hvar sem er. brilljant stykki. jón bara klikkar ekki.

kannski maður ætti að fara að vinna eitthvað, byrja á nýju messunni fyrir vídalínskirkju, ballettstykkinu eða kannski forleik fyrir áhugamannabandið um jólin. hmmm? ekki hefur maður afsökunina: verð að fara út í sólina núna.

2004-06-10

mmmm, þessi líka fínu spænsku vín, addi og rakel dældu víninu í viðstadda, hikk! gaman að þessu.

exemfréttir: ástand ekki sem verst
úff, varð að koma inn áður en ég lek niður milli fjala á pallinum og/eða steypist öll út í exemi. sjálfspíningarhvöt hvað? (ég kem nú brún undan exeminu, þetta er ekki bara kvöl og pína)

vantar einhvern útikanínubúr? ég er hér með eitt til sölu við vægu verði! langar til að setja blómaker þar sem búrið er, kanínan löngu stungin af og (vonandi) komin til feðra sinna.

boðið í vínsmökkun á eftir, smakka spænsk vín frá víni og mat, spennandi.

jæja, búin að kæla mig niður, á með ipodinn og aftur út að bráðna

2004-06-09

björn friðgeir sá að apple er að opna itunes búð í evrópu, miikið væri nú gaman ef hún næði alla leið hingað upp á sker. að ég skilji hvers vegna leiðindavefurinn tonlist.is sé ekki með lögin á mp3 formati heldur wmp, ónothæft ef maður notar ekki hið vonda microsoft windows. hringdi í stef í dag til að athuga hvort talað hefði verið við þau í sambandi við itunes evrópu, en þau tvö sem gætu vitað þetta voru ekki við. verður tékkað aftur á mánudag; annars ætti þetta að koma í ljós á þriðjudaginn, þá verður víst blaðamannafundur hjá apple í evrópu...
sumarhátíð á leikskóla, skrúðganga, leiktæki, pylsur og safi. hefði ekki verið hægt að biðja um betra veður, það er ljóst.

strákur af deildinni hans finns er að flytja í húsið á móti, uppgötvaði finn áðan, mikil hamingja. litlu guttar léku sér úti til rúmlega níu, en þá var finnur dreginn inn að sofa. er búinn að vera slæmur með að fara ekki að sofa fyrr en hálftólf á kvöldin, ekki gott fyrir fjögurra ára kríli

nóg barnablogg í bili.
hallveig dró okkur freyju í sund í morgun, laugardalslaugin heit og fín. síðan á vegamót í hádegismat, setið úti, einn bjór, tight! aftur út í leit að meira sólarexemi

lífið er gott :-)

2004-06-08

var að fá skálholtstónleikaprógramm sumarsins. sé ekki betur en ég verði eins og þeytispjald upp í skálholt amk 4 helgar í röð. óhemju spennandi prógramm.

fyrstu helgina nýtt verk eftir jón nordal (bannað að missa af, jón bestur) + sönghópurinn gríma er að syngja eftir mig

aðra helgina erum við með tónleika og messu

þriðju helgi ný verk eftir john tavener, titlaður staðartónskáld, sé hann að skrifa verk sérstaklega fyrir skálholt eru það svo stórar fréttir að ég er steinhissa á að hafa ekki heyrt af því!

fjórðu helgina er elín vinkona mín staðartónskáld, marta og eyvi að syngja, camerarctica að spila

fimmtu helgina verður eyvi aftur, hilda frænka líka með sóló. kemst þó trúlega ekki þá helgi, þar sem þá verðum við á leiðinni austur á egilsstaði

hallveig, viltu vera memm?
nótur frá tónverkamiðstöð komnar í hús, loxins.

farin út á pall til að næla mér í sólareksem

2004-06-07

neibbs, ekkert slökkvilið, komumst semsagt ekki í lok fréttatímans :-( hún klöngraðist niður megnið af trénu sjálf, svo kom ég með tröppuna og tók greyið niður síðasta bútinn. skíthrædd, ræfillinn. freyja og sunna vinkona hennar fylgdust með af athygli, þvílíkt drama í gangi.
kötturinn er kominn lengst upp í birkitréð, spurning hvort hún kemst niður! ég á ekki svona langan stiga. kannski maður verði að hringja á slökkviliðið!

keep you posted.
hmoahahahaha

ég rakst á dónaLínu á diskinum. sexilinea. sá þáttur hefur POTTÞÉTT ekki verið sýndur í ríkissjónvarpinu.

2004-06-06

þetta er bara snilld

sólbað úti á palli, gott að vera búin að fá pallinn aftur til afnota frá símanum ;-)

hitinn þvílíkur að maður er dauðfeginn þegar dregur aðeins fyrir sólu.

grilla afganginn af kjúklingavængjunum frá í gær, á eftir

þetta er bara snilld

2004-06-05

í dag var víst hægt að velja um ýmis skemmt fyrir krakkana og okkur sjálf; eftir tiltektarleik á la svandís trylltum við á karnival fyrir starfsmenn samskipa og fjölskyldur þeirra. andlitsmálun, blöðrudýr, birgitta, hoppukastalar des todes, trampólín, pylsur, ullarbrjóstsykur, hamborgarar, kökur og kaffi, upprúllunarleikurinn mikli á risaskjá. þvílíkt fjör. allt í boði samskipa

og núna er afmæli unglingsins í gangi, foreldrar að reyna að týnast sem mest, pabbinn úti að grilla fleirihundruð kjúklingavængi, barbie girl á geislanum, pirates of the caribbean fer í dvd spilarann á eftir, fjör! engar litlar stelpur leyfðar, en við komum litla gutta ekki fyrir, ætli hann fái ekki leyfi til að setja nýja rafhlöðu í lestardótið sitt, þá verður hann ánægður.

góður dagur (hingað til, amk)

2004-06-04

helv... djö... andsk... ofvirku stöðumælaverðir

jón heiðar, skotinn á færi ;-)
já, og svo er ég þokkalega að tryllast á ástandinu hér fyrir utan, allt uppgrafið, maður getur ekki keyrt inn götuna, ég lagði hjá fatabúðinni/jólahúsinu og treysti á að ekki komi einhver ofursamviskusamur stöðumælavörður og sekti mig...
útréttingadagur des Todes í dag

fór reyndar fyrst í morgun með ofurdæturnar í skólann að ná í einkunnirnar, fífa með 9,4 í meðaleinkunn, freyja allt mjög gott nema sundið gott, (mg er efst núorðið, á ekki notað lengur). mont mont ;-)

eftir hádegi var dýrt. kaupa nýjan lykil að töffarabílnum (nærri 15 þús kall, sérsmíðað og forritað, þjófavörn inn í bíl og í startinu, helv... hann toni sem seldi okkur bílinn að vera búinn að týna hinum lyklinum) þetta var þó ekki neitt miðað við næsta stopp, sem var söfnunarsjóður lífeyrisréttinda, þar þurfti aumingja kortið mitt að þola 268 þúsundkalla úttekt, ekki mjög gaman!

fór líka með nótur til franks og steini fær sínar á eftir, það kostar ekki nema fáeina bensíndropa, sem betur fer.

svo grillpartí í kvöld, gaman :-)

2004-06-03

tvær ferðir inn í hafnarfjörð í dag, fyrst á fyrirlestur hjá valgerði jónsdóttur, um sérstök börn og sérþarfir í tónlistarnámi, mjög áhugavert en reyndar frekar stílað inn á einstaklingskennslu en hópkennslu. síðan var verið að veita nemanda námsstyrk; það var hún tóta okkar sem fékk styrk, til hamingju með það.

datt síðan alveg óvart inn á tónleika hjá hornleikarafélagi íslands, algjör snilld. voru í hásölum nærri beint eftir styrkveitingunni, alveg passlegt að fara upp á kennarastofu í gos og snittur og fara á tónleika. þvílíkt fjör. halldór bjarki, litli frændi minn, fékk að spila með sinfógenginu, líka nokkrir nemendur mínir særún, erla, erna og þorsteinn skúli. voðavoða gaman!
allir hljóta að geta tekið undir þetta:

2004-06-02

NÚNA er ég aalveg búin

slagverksparturinn búinn og orgelpartur í prentara

spurning með kampavínið sem við drukkum ekki um daginn, hmmm?
og hann sagði bara nei, karlinn!

sko hann!
kötturinn er búinn að uppgötva bendilinn á skjánum hjá mér

garg!

en fyndið er það.
ekki tókst nú að prenta þetta allt út í gærkvöldi, blekið kláraðist. fyrsta verk í morgun var út í penna að kaupa blekhylki. mikið verður nú gaman þegar þetta klárast endanlega

helga ingólfsdóttir, skálholtsdrottning talaði við mig í gær og spurði hvernig gengi. ég sagðist eiga hálftíma eftir, henni dauðbrá og hélt ég væri bara búin með nokkrar mínútur, megnið af verkinu væri eftir! létti talsvert þegar ég sagði - nei, sko, ég sest niður við tölvuna og eftir hálftíma verð ég búin með verkið!

ekki alveg sami hluturinn, hálftími og hálftími, nebbla.

2004-06-01

prentprentprentprentprent

42 blaðsíður

búin :-)

(tja, nema ganga endanlega frá pörtunum fyrir steina og frank)
búið að moka ofan í skurðinn í garðinum mínum, eins bluddy gott! skal samt hjólað í þá símamenn, grrr! hefði tildæmis vel verið til í að geta notað pallinn minn um helgina...

fífa 12 ára í dag, var farið með hana í kringlu og hún fékk að velja sér afmælisgjafir. komum lestaðar heim, með gjafir bæði frá okkur og ömmu og afa í garðabæ, ekki stóðst ég síðan að kaupa dvd með Línunni handa fjölskyldunni. búin að vera í gangi niðri í sjónvarpsherbergi síðan þá.
kristín björg útvarpsmanneskja, júrógúrú, dómkórsgella og futurimamma með meiru byrjuð með síðu, að sjálfsögðu fær hún tengil :-)
búin að ráða stjórnanda í sumar og mögulega næsta vetur líka. keith reed. fargi af mér létt, þó ég hefði samt frekar viljað hafa benna!

This page is powered by Blogger. Isn't yours?