<$BlogRSDUrl$>

2004-07-08

versta ástand sumarsins hér fyrir utan hjá mér. verktakarnir eru svo til búnir með frágang okkar megin götu en eru að grafa skurð hinum megin. eru komnir hér út í vesturenda njálsgötunnar með vörubílinn, þannig að það er ekki nokkur leið að keyra inn í götuna. nú ég ætlaði náttúrlega að brjóta umferðarreglurnar og keyra á móti einstefnunni hinum megin frá, en þá eru þar risagrindur og allt á fullu í vinnu á ölgerðarlóðinni. ég lagði ekki í að keyra bjarnarstíginn í öfuga átt, þar er ekki gott að mæta bílum þannig að ég fann stæði á kárastíg, lagði reyndar beint fyrir utan útidyrnar hennar nönnu

mikið hlakka ég annars til þegar þessar framkvæmdir eru búnar. reyndar spurning hvort þeir setji gjaldskyldu á götuna í leiðinni, veit það stendur til. það yrði reyndar bara fínt, áreiðanlega mun auðveldara að finna stæði, yfir daginn að minnsta kosti. íbúakortin eru ekki dýr og þar sem íbúðin okkar er skráð sem tvær, ættum við að geta keypt kort fyrir báða bílana. þegar að þessu kemur, fýkur versti gallinn við að búa í miðbænum.

This page is powered by Blogger. Isn't yours?